Erjona Suljemani, ish-bashkëshortja e Blerim Xhemailit e ftuar në emisionin “Top Show Magazine” foli për jetën e saj si gruaja e një futbollisti. Ajo tha publikisht se absolutisht nuk ia vlen të martohesh me një futbollist. Sipas saj futbollistët rrijnë gjithë ditën në “Instagram” duke kërkuar gra.
“U jap një këshillë vajzave: bota e futbollistëve duket e bukur, por kur je brenda është ndryshe. Unë kam shkruar dhe një libër ku do i mësoni të gjitha. Libri do të dalë shumë shpejt”,- deklaroi modelja shkodrane.
Erjona rrëfeu gjatë emisionit se jeta e saj me Blerimin, mesfushorin e kombëtares zviceriane, ka qenë shumë e vështirë. Ajo ka refuzuar gjithçka nga ana profesionale dhe ka jetuar si e mbyllur në një kafaz të artë.
“Më parë kam qenë e mbyllur në një kafaz të artë, por leku nuk të jep gjithçka. Unë kam refuzuar shumë për karrierën time, tani jam më e lirë dhe mund të pranoj ato që kam refuzuar më parë. Kur lidhesh me një futbollist, njëri prej të dyve duhet ta lërë karrierën sepse po nuk e le, nuk shihesh me partnerin. Rrija në shtëpi, laja, shpëlaja, gatuaja… Pasi mora veten nga lindja e fëmijës, doja t’i kthehesha karrierës. Doja të mos isha e varur dhe të mos rrija e mbyllur në shtëpi”, u shpreh Erjona.
