Këngëtari i njohur Seldi Qalliu dhe ish-e fejuara e tij, Dafina Zeka, ishin së bashku prej 5 vitesh, mirëpo fejesa e tyre përfundoi në vitin 2016.
Secili prej tyre vazhdoi jetën pas ndarjes dhe ditën e sotme është mësuar se Dafina është bërë nënë për herë të parë.
Lajmin e bukur e ka dhënë babai i saj, politikani Milaim Zeka.
Në profilin e tij në Facebook, Zeka ka publikuar një foto ku shfaqet duke festuar pasi ka mësuar se është bërë gjysh.
“Sapo mora lajmin e gëzuar se u bëra gjysh. Vajza ime, Dafina, lindi një vajzë. Po festojmë së bashku me Edën dhe disa miq nga Brukseli dhe Gjermania. Që Dafina ka lindur një bebe, kjo është e vërtetë, që unë u bëra gjysh, kjo është rrenë…”, ka shkruar ai me humor.
Megjithatë, ende nuk është mësuar emri me të cilin e kanë pagëzuar të voglën, ndërsa të gjithë po presin të shohin portretin e vajzës së Dafinës.
