Ish-bashkëshortja e Bleros dhe partnerja aktuale e tij, Teuta Krasniqi dhe Afrona Dika, gëzojnë një raport shumë të mirë me njëra-tjetrën. Edhe pse ju është dashur të njihen në rrethana jo shumë të zakonshme, ato kanë respekt për njëra-tjetrën e këtë e kanë dëshmuar edhe së fundmi.
Teuta i ka bërë Afronës një dhuratë me rastin e Krishtlindjes dhe ky veprim i saj i ka habitur jo pak fansat. Aktorja e njohur i ka dhuruar partneres së Bleros një krem nga kompania e saj dhe bashkëshortit aktual, Adonisit. Këtë gjë e ka zbuluar vetë Afrona, e cila e ka falenderuar publikisht Teutën për dhuratën.
Ndërkohë në vigjilje të Krishtlindjeve, Afrona publikoi një kartolinë shumë të bukur festive. Ajo kishte pozuar për foto bashkë me Bleron dhe vajzën e tij të vetme, Tarën. Edhe me këtë të fundit, Afrona ka një marrëdhënie shumë të mirë e madje Tara qëndron shpesh në të njëjtën shtëpi me Afronën e Bleron.
Përveç Teutës dhe Afronës, edhe vetë Blero ka treguar se ato të dyja kanë raporte shumë të mira bashkë. Ai ka treguar se partnerja e tij aktuale nuk e ka pasur kurrë problem këtë pjesë dhe se madje ka shkuar edhe për darkë në shtëpinë e ish-bashkëshortes.
“Teuta dhe Afrona janë takuar më parë. Teuta e ftoi Afronën për darkë në shtëpi, dhe qëndruan për 3 orë bashkë duke biseduar. Meritat në këtë rast i ka Afrona, për mirëkuptimin që ka treguar për këtë situatë”, ka thënë Blero.
