Divorci i tyre përfundoi në vetëm 14 sekonda të enjten. Por drama vazhdon për Cheryl dhe ish-bashkëshortin e saj, Jean-Bernard Fernadez-Versini.
Ky i fundit i kërkoi këngëtares që t’i kthente unazën e nënës së tij të njderë. Pas kësaj erdhi edhe reagimi i Cheryl, ku një burim pranë saj u shpreh se “ajo u habit pse kërkesa e tij erdhi përmes një gazete” dhe se ajo do t’ia kthejë gjënë e çmuar të familjes së ish-bashkëshortit “menjëherë”.
Pronari i restorantit francez i dha këngëtares, e cila thuhet se është duke pritur fëmijën e saj të parë me të dashurin Liam Payne, unazën e çmuar në përvjetorin e tyre të parë të martesës.
Një burim tha për “Daily Mail”: “Ai i dha asaj stolinë për të festuar 12 muajt së bashku. Ajo i përkiste nënës së tij. Tani është 10-vjetori i vdekjes së saj dhe ai e dëshiron atë dëshpërimisht, por Cheryl ende nuk ia ka dërguar dhe nuk ka bërë asnjë përpjekje për t’ia kthyer. Ai është shumë i mërzitur dhe do të donte t’ia jepte”.
Një burim i brendshëm tha se Cheryl nuk kishte dëgjuar asgjë deri më tani për unazën nga ish-bashkëshorti.
“Cheryl u habit se pse kjo kërkesë u bë përmes një gazete. Jean-Bernard nuk ia kërkoi kurrë unazën gjatë muajve të diskutimeve përmes avokatëve. Nëse kjo histori është e vërtetë dhe kërkesa është bërë nëpërmjet avokatëve të tyre, ajo do t’ia dërgojë unazën mbrapsht menjëherë. Ajo nuk e ka vënë unazën që nga viti i kaluar”, tha një burim.
Një tjetër mikeshë i Cheryl, insistoi se ylli i kishte “harruar” të gjitha në lidhje me dhuratën: “Që kur ata u ndanë vitin e kaluar, Cheryl nuk e ka vënë më atë. Ajo e vendosi atë në një vend të sigurt dhe e kishte harruar komplet, sepse ai kurrë nuk ia kishte kërkuar”.
Burimi: Daily Mail
