Aktori dhe aktivisti Russell Brand do të bëhet baba për herë të parë. Pas fejesës me të dashurën e tij Laura Galacher, duket se çifti nuk ka pritur shumë gjatë për të krijuar familjen.
Sipas një burimi të “The Sun”, babai i ardhshëm i cili ka qenë i martuar më përpara me këngëtaren Katy Perry, ka dashur që herët të martohet me bionden e bukur. 27-vjeçarja Laura është 6-muajshe shtatzënë dhe ky është fëmija i parë për të dhe komedianin e famshëm.
Të dy kanë vendosur që të jenë të rezervuar përsa i përket jetës private, pasi nuk do të donin të tërhiqnin vëmendjen e të gjithëve, siç ndodhi kur 41-vjeçari ishte i martuar me Katy Perry-n.
Russell dhe Laura kanë më shumë se 10 vjet histori lidhjeje dhe ndarjeje bashkë. Ata janë lidhur për herë të parë në vitin 2007 dhe janë ndarë disa herë deri në vitin 2009. Më pas Russell u martua me Katy Perry-n në vitin 2010 dhe pas dy vitesh martesë, divorci i tij do ta riafronte me ish-të dashurën Laura.
Të dy shprehen se kanë krijuar një lidhje stabël dhe se këtë herë duan t’i bëjnë gjërat ashtu siç duhet.
*Shfleto galerinë
Burimi: Daily Mail
