Ajo ishte një ndër finalistet e “Big Brother 9”, por që nuk arriti të triumfonte për të rrëmbyer vendin e parë. Të gjithë e mbajmë mend romancën e saj me Olsin, ish-banorin tjetër të “BB9”. Fjorentina Halili pasi shijoi eksperiencën e shtëpisë më të famshme në Shqipëri, ka vendosur të marrë pjesë në një reality-show tjetër.
Ish-banorja ka vendosur t’i rikthehet “Big Brother”-it, por kësaj radhe jo në Shqipëri, por në “Grande Fratello” në Itali.
Fjorentina ka postuar në “Instastory” një foto ku shfaqet një faqja e “Grande Fratello”, që lajmëron hapjen e audicioneve.
“Do shkoj dhe unë për të dytën herë, por kësaj here do të shkoj në Itali”, shkruan sipër fotos Fjorentina.
Nuk e dimë nëse kjo është një shaka nga ana e Fjorentinës, apo ajo e ka vendosur me të vërtetë për t’iu rikthyer “Big Brother”-it.
