Kur bëhet fjalë për operacionet plastike të gjithë mundohen të tregohen të rezervuar. Disa prej personazheve të njohur publik i pranojnë ato, ndërsa disa të tjerë edhe pse mund të kenë bërë më shumë se një i mohojnë në mënyrë kategorike.
Ish-banorja e “Big Brother”, Armela Hyseni e ka pranuar gjithmonë se ajo ka bërë ndërhyrje kirurgjikale tek hunda e saj, jo vetëm një herë, por dy herë.
E ftuar në emisionin “Një kat më lart”, Armela u shpreh e befasuar se përse gjithmonë diskutohet për hundën e saj, kur në të vërtetë ajo e ka pohuar vet publikisht që ka bërë operacon plastik.
“E kam bërë 2 herë, e kam pasur më të imët hundën. Hunda ime është ende e enjtur, nuk është kjo që shikoni sot rezultati final. Pas operacionit të parë, hunda ndenjti shumë e enjtur, nuk kishin punuar mirë. Herën e dytë më thanë që edhe mund të mos rregullohej siç duhet”, rrëfue Armela.
Madje ish-banorja e “Big Brother” zbuloi se ka plane në të ardhmen që ta ribëjë hundën, pasi ka parë në internet një mjek ndërkombëtar që e realizon shumë bukur atë.
