Dua Lipa u tradhëtua nga i dashuri?
Kështu raportoi media britanike “The Sun” ditën e sotme, ku publikoi fotot e Isaac Carew, teksa shfaqej shumë pranë një vajze brune e po tentonte ta puthte në një klub në Londër. Mirëpo i dashuri i këngëtares, ka një version krejtësisht ndryshe. Ai mohon se po puthte mikeshën e tij, por thjesht po i pëshpëriste diçka në vesh si pasojë e muzikës së lartë.
“Unë nuk do të doja që ju të mendoni se Dua është në një marrëdhënie me dikë që nuk e dashuron dhe respekton atë. Ajo e para, nuk do e pranonte diçka të tillë. Unë e Dua, kemi rënë në duart e tabloidëve duke shkaktuar dramë kur nuk ka asgjë të vërtetë. Unë isha në një bar të homoseksualëve dhe po vallëzoja me një mikeshë dhe kjo gjë po portetizohet ndryshe. Nuk ishte duke u puthur dhe jam i zhgënjyer me veten se përse pranova të vallëzoj edhe për një moment të shkurtër duke pasur parasysh mënyrën si u portretizua. Ishte një klub i zhurmshëm dhe po tentoja të komunikoja me të. Mos besoni gjithçka që shihni, sepse këta njerëz paguhen për të krijuar dramë.” – shkruan modeli në profilin e tij në “Instagram”.
Isaac Carew konfirmoi se ata janë rikthyer në krahët e njëri-tjetrit, pas një periudhë pushimi.
“Jemi shumë të lumtur që po kthehemi së bashku. Kemi kaluar 3 vjet e gjysmë lumturi së bashku plot besnikëri dhe dashuri dhe asnjëherë nuk u shkatërruam, sepse kemi pasur probleme të tilla, për shkak se nuk mund të jemi së bashku gjithë kohës. Për fat të mirë lëkura jonë është më e ashpër dhe dashuria është më e fortë se kjo.” – përfundoi i dashuri i këngëtares “One Kiss”, ndërsa kjo e fundit ka vendosur të qëndrojë në heshtje.
