Pavarësisht se ishte themelues i televizionit “Ora News”, Alfred Peza u largua nga detyra e Drejtorit të Përgjithshëm në vitin 2010, rreth tre vite pas krijimit të tij. Televizioni informativ festoi dje 10-vjetorin e themelimit, ku të ftuar ishin shumë personalitete të medias, politikës, artit dhe kulturës.
Por mungesa e tij, pavarësisht se ndoshta nuk u dallua në morinë e njerëzve të ftuar, Alfred Peza vendosi të shprehej vet për eventin.
Në një status në Facebook, Peza shkruan:
“Nëse Xhafer Ypi, si Kryeministër i Shqipërisë i vitit 1922 do të organizonte festimin e 10 vjetorit te shpalljes se Pavarësisë së Shqipërisë dhe Ismail Bej Vlora do ishte gjallë, do ta kishte vënë në krye të qoshes. Po ti ku je, se nuk po të shoh mes 1400 të ftuarve në 10 vjetorin e Ora News, që po “nis një dekadë të re me vizion dhe filozofi bashkëkohore”?! Kështu me shkruan tani një miku im me sms. Fillimisht mendova se mos po bënte shaka, sepse unë televizionin “Ora News” bashkë me shumë kolegë e bashkëpunëtorë, si dhe me botuesin Aleksander Frangaj e kemi themeluar në fund të janarit 2007! Ç’ne që paska festë tani në fund të shtatorit?! Mos e ka ngatërruar gjë me festen e Fevziut?!,- mendova. Por, tani që hapa televizorin në shtëpi, po shoh qe ai paska folur seriozisht. Edhe une shume seriozisht i uroj stafit aktual edhe shume e shume 10-vjetorë te tjere, sëbashku me Presidentin Ylli Ndroqi. Suksese!”.
Burimi: Facebook
