Ira Seferi ka festuar mbrëmë ditëlindjen e saj nën shoqërinë e miqve dhe familjes!
Bashkëshortja e aktorit Gaz Paja, e cila është në pritje të ëmbël të një vogëlushi, publikoi sot fotot nga festa e ditëlindjes së organizuar nga miqtë e saj.
Ira dukej si një engjëll e veshur me një fustan ngjyrë rozë me temina dhe supet jashtë, që nuk mund t’i fshihte tashmë barkun e rrumbullakosur.
Vetë tema e ditëlindjes ishte “Baby Angel” dhe nuk munguan surprizat e ditëlindjes si torta me numrin 25 të qirinjve.
Kënga e ditëlindjes u këndua nga Gazi dhe miqtë e tjerë, ndërsa Ira i falenderonte për këtë moment special në jetën e saj.
Në fund Gazi bëri gjestin special kur e ftoi partneren në një vallzim të këndshëm ndërkohë që në sfond dëgjohej “Shumë urime për ty”.
Gazi dhe Ira janë në pritje të një djali që do të vijë në jetë shumë shpejt. Mosha e çiftit është diskutuar edhe herë tjetër pasi kanë rreth 16-17 vite diferencë me njëri-tjetrin.
Ai mbushi plot 41 vjeç më 27 shtator, ndërsa partnerja e tij e jetës u bë 25 vjeçe!
I urojmë Irës edhe shumë vite të lumtura!
