Të rinjtë dhe jo vetëm, e shohin tashmë si një trend përdorimin e cigareve elektronike pa marrë parasysh rreziqet shëndetësore që mund t’ju shfaqen. Ndodhur në këtë situatë, OBSH paralajmëron se është e nevojshme dhe urgjente që përdorimi i tyre të minimizohet për disa arsye.
Sipas OBSH, ‘iQOS’ nuk i bën përdoruesit të heqin dorë nga duhani. Megjithatë, duket se me fushatat abuzuese të marketingut, duke përdorur karaktere vizatimore dhe shije të reja, industria e duhanit ka shtyrë cigaret elektronike për të rekrutuar duhanpirësit.
Deri më sot, deri në 88 vende ende nuk është ndaluar përdorimi i ‘iQOS’, përfshirë këtu edhe Shqipërinë, e cila vazhdon me fushatat agresive të marketing për të siguruar sa më shumë klientë.
Ndryshe kanë vepruar disa vende të tjera të cilat kanë reflektuar dhe përmes politikave ndërgjegjësuese kanë ndaluar me ligj përdorimin e tyre, përfshirë këtu: New York, Francë, Australi, Zelanda e Re, Filipine.
Ka disa arsye për të cilat jo vetëm OBSH por edhe studiuesit dhe ekspertët e mjekësisë ngrenë alarmin për të eliminuar ‘iQOS’. Studimet kanë faktuar se, shtesat kimike që përdoren në cigaret elektronike dhe në zëvendësues të tjerë të cigareve klasike mund të dëmtojnë qelizat e enëve të gjakut. Aerosolet e lëngshme përmbajnë grimca, agjentë oksidues, aldehide dhe nikotinë. Kur thithen, këto aerosole ndikojnë në zemrën dhe sistemin e qarkullimit të gjakut.
Pra thënë me pak fjalë, efektet afatgjata të pirjes së ‘iQOS’ janë të dokumentuara mirë dhe përfshijnë një rrezik të shfaqjes së kancerit të mushkërive.
