Rrallë keni patur një ditë më të paparashikuar se ajo e djeshmja. E kemi parasysh që menduat se e dinit atë që “Apple” do të zbulonte dje, kishit parë imazhe shumë të detajuara të publikuara gabimisht. Por pasi “Apple” zbuloi risinë e tij, e kuptuam se kishim vetëm një pjesë të historisë.
Nuk kishim kuptuar se pas pritjes fshihej “iPhone X”, celulari më futurist i “Apple”.
Dallimi i parë dhe më i dukshëm është ai i ekranit: “iPhone X”-i është thuajse i gjithi ekran dhe përveç kësaj, nuk ka butonin e përhershëm të “iPhone”-it. Ekrani OLED, të cilin Apple e quan “Ekrani Super Retina”, mund të japë ngjyra shumë më të thella. Në sajë të një sistemi që e bën më efikas përdorimin e pikselave të ngjyrave, çka kursen edhe baterinë, që zakonisht shpenzohet më shumë në telefonat që kanë ekrane me rezolucion mesatarisht të lartë.
Nuk do të stresoheni nga bateria
Në fakt, me gjithë teknologjitë e reja që ka, “iPhone X” mban më shumë bateri se “iPhone 8”. Edhe pse nuk para e reklamon jetëgjatësinë e baterisë së telefonave, “Apple” thotë se “iPhone 8” mban pothuajse aq ose pak më shumë bateri se “iPhone 7”. Por gjithashtu, nënvizon se bateria e “iPhone X”-it zgjat mbi 2 orë më shumë se ajo e dy telefonave të mëparshëm.
“iPhone X” ka sistemin OIS (Optical Image Stabilization) në të dyja kamerat. Ky sistem lejon stabilizimin e cilësisë së imazhit nga vetë lentja, përpara se pajisja ta procesojë imazhin, pa qenë e nevojshme të rregullohen fokusi dhe parametra të tjerë manualisht.
Kurse iPhone 8-a e ka OIS-in vetëm tek kamera e këndit të gjerë, çka e bën kamerën e fokusit më të ndjeshme ndaj dridhjes.
Identifikimi i fytyrës
Kjo është një ndër veçoritë kryesore të “iPhone X”-it, i cili siç thamë më lart, nuk ka buton. Duke mos patur buton, nuk mund të ketë identifikimin përmes shenjës së gishtërinjve, kështu që ekspertëve të Apple u desh ta zgjidhnin ndryshe: duke përfshirë identifikimin përmes fytyrës (Face ID).
Ky sistem identifikimi përdor kamerën me rreze infra të kuqe, ndriçues dhe një projektor me pika, që krijon dhe lexon hartën e fytyrës përmes 30 mijë pikave të padukshme. Duhet të regjistroni paraprakisht fytyrën tuaj siç keni bërë më parë me shenjat e gishtërinjve dhe më pas, “iPhone X”-i do t’ju mbajë mend përgjithmonë. Por është akoma më i zgjuar: Face ID është edhe i ndjeshëm ndaj vëmendjes çka do të thotë, nëse s’po e shikoni ekranin si duhet, për ta nxjerrë nga çelësi, as ai s’ka ndërmend të nisë procedurën e leximit të fytyrës.
Kurse tek “iPhone 8” dhe “iPhone 8 Plus”, mund të përdorni akoma sistemin Touch ID, pra identifikimin përmes shenjës së gishtërinjve. Sidoqoftë, do të duhet ca kohë sa “iPhone X”-i të dalë në treg. “Apple” do të nisë të pranojë porosi paraprake prej datës 7 tetor, derisa të dalë në treg, më 3 nëntor.
Diçka që s’duhet ta harrojmë: ndërsa çmimet e iPhone 8 dhe iPhone 8 Plus variojnë nga 700 deri në 900 dollarë, “iPhone X” kushton 1579 dollarë.
Kështu që mund të shikoni si alternativë që të merrni një kredi apo “të shisni veshkën” !
Burimi: Independent
