“Apple”, një nga kompanitë më të mëdha të teknologjisë, po shqyrton të gjitha mundësitë për t’iu ardhur në ndihmë përdoruesve, me atë që kanë më shumë nevojë: jetëgjatësinë e baterisë.
Së shpejti, sipas burimeve pranë Apple, karikimi i celularëve do të bëhet përmes wireless-it, pra, nuk do të jetë më e nevojshme të mbajmë karikues me vete apo të kërkojmë borxh te të gjithë njerëzit që njohim.
Të njëjtat burime thonë se kompania po përpiqet të marrë patentën e realizimit të një sistemi të tillë për të pasur gjithmonë bateri 100% të ushqyer.
Thuhet se telefoni do të mund të karikohet nëpërmjet një fushe të vogël magnetike, e cila përçon energji midis 2 pajisjeve, mjafton vetëm që objektet të jenë në një afërsi të caktuar.
