Inva Mula do të rikthehet në ekran pas shumë kohësh, me një program të ri muzikor që do të nisë në ekranin e televizionit Klan.
Mes larmisë së spektakleve artistike, një program i ndërtuar mirëfilli për muzikën operistike ka munguar, ndaj edhe është menduar se askush më mirë se Inva nuk mund të jetë e denjë për këtë risi në televizion.
Programi i ri mendohet se do të ketë formatin e ‘Prodigies’. TV Klan ka publikuar spotin e këtij spektakli duke zbuluar për çfarë bëhet fjalë.
“Virtuozët” do të ketë në fokus fëmijë dhe adoleshentë deri në moshën 18-vjeçare, të talentuar në balet, kanto dhe instrumenta të zhanrit klasik (piano, violinë, harpë, fizarmonikë), që do të konkurrojnë mes zhanreve të tyre për të zgjedhur në fund një fitues.
E sigurisht, një emër i madh dhe i vlerësuar i muzikës, që do të shoqërojë të rinjtë në këtë rrugëtim, është ai i Inva Mulës. Mezi po presim ta shohim.
