Sopranoja e famshme Inva Mula ishte dje e ftuar në emisionin “Rudina” së bashku me vajzën e saj Nina. Inva zbuloi detaje nga emisioni i saj i ri që do të startoj në Tv Klan, për atmosferën festive dhe mbi të gjitha për marrëdhënien e saj të veçantë me vajzën e saj bukuroshe.
Nina 5-vjeçare ishte një vajzë shumë e shkathët dhe elokuente sa na la të gjithë me gojë hapur. Një gjeni i vërtetë më plotë kuptimin e fjalës.
E pyetur nga Rudina se çfarë marrëdhënie ka me prindërit , Nina foli aq bukur dhe me fjali të plota saqë edhe një i rritur nuk do të arrinte t’i zgjidhte fjalët ashtu.
“Kur babi lexon libra, unë jam me mamin, kur mami rri në piano unë jam me babin”, tha Nina.
Inva rrëfeu se ato kalojnë shumë kohë bashkë si nënë e bijë, bëjnë shumë aktivitete për fëmijë. Gjithashtu një lidhej të veçantë 5-vjeçarja ka edhe më babain, zotin Ramadan Krasniqin, me të cilin po merr një kulturë të gjithanshme, edhe pse ende e vogël.
“Me mua ka një marrëdhënie tjetër, më shumë luajmë, kurse më babin diskuton, shprehin mendimet që kanë për meditimin, filozofinë…”
Këtu Nina ndërhyri dhe nuk e la sopranon të fliste.
“Unë meditoj ndonjëherë. Meditim do të thotë: përqendrim dhe balancë.”, tha gjithë krenari Nina.
Gjithashtu Inva zbuloi edhe marrëdhënien e veçantë që Nina ka me të vëllain, Antonin. 22-vjeçari jeton në Paris, ndërsa Nina është zhvendosur së bashku me Invën në Tiranë. Ajo ndihet e lumtur që ata të dy kanë një lidhje të veçantë shpirtërore, pavarësisht se janë larg njëri-tjetrit.
“Unë do të doja të rriteshin bashkë edhe fizikisht, se shpirtërisht janë shumë të lidhur”, tha sopranoja e famshme.
