Ata bënë çiftin perfekt të moderatorëve kur u shfaqën në emisionin “Pop Culture” në “Top Channel”. Ndërsa Dojna Mema tregoi se do të vazhdonte të ishte pjesë e atij formati, Kelvi Kadilli la të kuptohej se ishte gati për të ndryshuar televizion.
Nëse menduat se rruga e tyre e karrierës do të ndahej këtu, atëherë ju tregojmë diçka që do t’ju ndryshojë mendimin.
Në të njëjtin moment të mesditës së sotme, dy moderatorët postuan nga një foto në “InstaStory”, ku kërkojnë dy qen të racës “Doberman”.
Në postimin e saj Dojna shkruan: “Kërkohen dy doberman sexy”, ndërsa në shkrimin e Kelvit lexohet: “Kush ka qen doberman të rritur të më kontaktojë!”.
Dyshimet tona janë që dy moderatorët po planifikojnë të vazhdojnë realizimin e një projekti së bashku dhe ne sapo zbuluam që dy personazhe të rëndësishëm do të jenë qentë.
