Ajo është një ndër femrat e njohura shqiptare që e mori famën në skenë dhe gjithmonë është vlerësuar për hiret dhe bukurinë që ka.
Prezantimi në Telebingo e bëri të famshme Inis Gjonin, por ajo nuk u mjaftua me aq. Inis Gjoni ka studiuar 12 vjet për balet klasik. Më pas ka ndjekur Akademinë e Arteve në degën Regjisurë dhe sot njihet për një sërë veprash të suksesshme të sjella në Teatrin Kombëtar.
E ndërsa suksesi e ndjek vit pas viti, të njëjtën gjë mund të themi edhe për bukurinë e saj. Edhe pse kanë kaluar rreth 20 vjet nga dalja e parë në skenë, Inis Gjoni mbetet po e njëjta femër e bukur dhe tërheqëse.
Në një foto që Iconstyle.al ka siguruar, Inisi shfaqet e veshur me një fustan të zi me një dekolte të hapur që ekspozon gjoksin.
Si një Monica Bellucci, Inis Gjoni ka pozuar shumë seksi në këtë foto të Iconstyle.al, ndërsa vihet re se vitet kanë kaluar po ajo nuk ka ndryshuar. Fotoja besohet se i përket fundit të viteve ’90, e ndërsa jemi në fund të vitit 2017, mund të themi me plot gojë që Inis Gjoni nuk e njeh plakjen.
