Që prej lindjes së vogëlushes Coco Antonel, Inis Gjoni është kujdesur vetë, duke qenë nënë dhe baba, pasi partneri i saj u nda nga jeta në vitin 2011.
E ftuar në Wake Up, Inis Gjoni u pyet nëse e ka pasur të vështirë t’i flasë vajzës për mungesën e të atit. Por ajo u shpreh se zgjodhi t’i tregonte të vërtetën:
“Sigurisht që figura e babait është një shtyllë e rëndësishme në jetën e gjithkujt. Por ajo nuk e ka njohur! Megjithatë unë ia kam shpjeguar shumë thjeshtë, duke i thënë se jeta është e tillë. Disa e kanë lart në qiell, disa janë të ndarë, e disa të tjerë janë por më mirë të mos ishin sepse s’kanë asnjë lloj përgjegjësie”.
Inis Gjoni foli edhe për komedinë “Çifti i çuditshëm”, një shfaqje me tekst të Neil Simon dhe regji të Inis Gjonit, me tekstin e përkthyer nga Artur Lena, që do të ngjitet në skenën e Teatrit Kombëtar të Tiranës.
