Prej disa vitesh Inis Gjoni është larguar nga televizioni dhe rrallë e shohim të shfaqet edhe në intervista.
E vetmja formë komunikimi që ka ruajtur me fansat është Instagram-i dhe aty shpesh poston foto nga jeta e përditshme.
Së fundmi bukuroshja është kthyer vite pas, në kohën e adoleshencës dhe ka publikuar një foto të asaj periudhe.
Në foto Inisi shfaqet e veshur me një kostum popullor dhe në fytyrë i dallohet buzëqeshja që nuk i ka munguar asnjëherë.
“12 ose 13 vjeçe hahahhah, unë”, shkruan Inisi krahas fotos.
Ndonëse tani është 43 vjeç duket se Inisi ruan po të njëjtin portret të ëmbël.
Vetullat e trasha, buzët mishtore dhe kaçurrela që i kanë zili të gjithë.
Sot ajo është edhe nënë e një vajze të quajtur Coco e cila sa rritet edhe bëhet kopje e së ëmës.
