Ingrit Gjoni nuk u rikthye vetëm në muzikë me këngën “Fustani pika pika”, por edhe në rrjetet sociale me disa foto të nxehta në plazhet e Jugut.
Këngëtarja gjatë pushimeve me djalin Parid, ka shfrytëzuar ditët e bukura me diell për të pozuar, si një modele e vërtetë me një palë rrobabanje trup në ngjyrë të kuqe.
Duket se në dy vjet që arriti të kishte fizikun që dëshironte, Ingriti ka mundur të ruajë të njëjtën formë me rikthimin e linjave pas lindjes.
Para dy vitesh, ajo mundi të hiqte 8 kilogramë nga pesha trupore, e ndihmuar nga provat për realizimin e kërcimit në garën e “Dance with me”.
Intensiteti i provave e ndihmuan të dobësohej në kohë rekord dhe pa sforco për sa u përket dietave.
