Një punonjëse e afërt me kryeministrin Edi Rama është infektuar me koronavirus.
Lajmin e bën të ditur Dosja.al, sipas së cilës, I.Sh, është punonjësja e disatë e Kryeministrisë që preket nga COVID-19.
Ajo është punonjëse e Zyrës së Dhënave në Kryeministri.
Rritja e rasteve me koronavirus në këtë institucion është përfolur edhe pak ditë më parë.
Në media u tha për 2 gardistë të infektuar, madje njëri prej të prekurve qëndronte në hyrje të godinës së Kryeministrisë.
Po kështu, persona të infektuar kanë rezultuar edhe në Bashkinë e Tiranës, ministrinë e Finanacave, Postën Shqiptare, ministrinë e Bujqësisë, tek OSHEE dhe në Kadastrën e Durrësit, bën me dije Dosja.al.
Por në një reagim të pak ditëve më parë, drejtoresha e ISHP-së, Vjollca Braho u shpreh se nuk ka asnjë informacion që të ketë pasur të infektuar në Kryeministri.
Sipas saj, nga 183 inspektime në institucione shtetërore, në dy prej tyre është marrë masë për mbyllje provizore, në Bashkinë e Durrësit dhe në hipotekën e Durrësit.
“Inspektorati Shtetëror Shëndetësor kontrollin gjithçka në Republikën e Shqipërisë. , kemi kryer 183 inspektime në institucione shtetërore dhe në dy prej tyre është marrë masë për mbyllje provizore, në Bashkinë e Durrësit dhe në hipotekën e Durrësit, ku ka pasur të infektuar. S’kam informacion për të infektuar në kryeministri nga njësitë vendore të kujdesit shëndetësor. Unë bëj vetëm pjesën e inspektimit. Për këtë pyesni Institutin e Shëndetit Publik”.
