Koço Kokëdhima dhe bashkëshortja e tij, Brixhida, janë infektuar me Covid-19.
Ky lajm është bërë i ditur gjatë emisionit “Gol pas goli” në “Supersport”.
Ende nuk dihet gjendja shëndetësore e çiftit, megjithatë raportohet se Kokëdhima, president i klubit të futbollit “Apolonia”, nuk ka pasur kontakte së fundmi me futbollistët.
Kësaj here, ai është i detyruar të mos e ndjekë skuadrën e tij nga shkallët e stadiumit.
Mbetet të presim për të mësuar më shumë rreth gjendjes së Koço Kokëdhimës dhe partneres së tij.
Aktualisht në Superiore ka të infektuar tek sukadra e “Kukësit”. Trajneri Skënder Gega e pësoi i pari, ndërkohë që më pas kanë dalë pozitive edhe Mehdi Hetemaj e Godfrey Cooper, si dhe zëdhënësi për shtyp, Erjon Allaraj
