Aktori i njohur, Will Smith nuk mund të marrë pjesë në çmimet “Oscar” dhe ngjarjet e tjera të Akademisë për 10 vite, pasi goditi me shuplakë komedianin e njohur, Chris Rock.
Akademia e Arteve dhe Shkencës së Filmit, e cila organizon ceremoninë e ndarjes së çmimeve, u mblodh të premten për të diskutuar masat disiplinore. Takimi, i planifikuar fillimisht për 18 prill, u përshpejtua pasi Smith njoftoi dorëheqjen e tij nga Akademia javën e kaluar.
“Bordi ka vendosur që për një periudhë 10 vjeçare nga 8 Prilli 2022, z. Smith nuk do të lejohet të marrë pjesë në asnjë ngjarje të Akademisë, personalisht ose virtualisht, por pa u kufizuar në Çmimet e Akademisë,” thanë Presidenti i Akademisë, David Rubin dhe CEO Daen Hudson në një deklaratë të premten.
Më pas ata shpjegojnë se ky veprim u ndërmor për të mbrojtur sigurinë e interpretuesve dhe të ftuarve.
“Ky veprim që ne po ndërmarrim sot në përgjigje të sjelljes së Will Smith është një hap drejt një qëllimi më të madh për të mbrojtur sigurinë e interpretuesve dhe të ftuarve tanë dhe rikthimin e besimit te Akademia. Ne gjithashtu shpresojmë se kjo mund të fillojë një kohë shërimi dhe restaurimi për të gjithë të përfshirët dhe të prekurit.”
Rikujtojmë se Will Smith është futur në një klinikë rehabilitimi për shkak të stresit që i është krijuar nga polemikat që shpërthyen pas incidentit në “Oscars”.
Sipas “The Sun”, aktori i famshëm është prekur shumë nga ajo që ndodhi dhe ka vendosur që të nisë rehabilitimin në një klinikë luksoze.
