Jennifer Lawrence do të mbahet mend gjatë për disa nga momentet më të veçanta që i ka dhuruar ceremonive të ndarjes së çmimeve Oscar.
Kur fitoi çmimin Oscar në vitin 2012, ajo u pengua në shkallë dhe u rrëzua gjatë ngjitjes për ta marrë kupën prej ari.
Një vit më pas, aktorja u pengua në tapetin e kuq dhe u rrëzua sërish.
Dhe për të vazhduar sagën e incidenteve, si “për t’u kujtuar”, aktorja i ka lënë sërish të gjithë gojëhapur me modestinë e saj në ceremoninë e 90-të të Academy Awards.
28-vjeçarja është fotografuar duke kaluar mbi karrige në teatrin Dolby, ndërkohë që në dorë mbante gotën me verë.
Kamerat kanë kapur menjëherë këtë moment aspak të kujdesshëm të aktores e cila nuk e vrau aspak mendjen por hapi këmbën mbi karrige.
Jennifer dukej shumë bukur në tapetin e kuq, e veshur me një fustan metalik Dior.
