Ditën e djeshme në mediat e huaja u raportua se Nick Jonas klshte përfunduar në spital, pasi ishte lënduar gjatë xhirimeve për një projekt që nuk dihet ende. Sipas “TMZ”, Nick ishte duke xhiruar kur diçka e papritur ndodhi, por që ishte shumë serioze, pasi aktori është transportuar menjëherë me ambulancë për në spital. Burimet nuk e bënë të ditur se për çfarë incidenti bëhet fjalë dhe si ka ndodhur gjithçka. Megjithatë burimet thanë se gjendja shëndetësore e Nick ishte e mirë dhe se ai do të shfaqej në spektaklin “The Voice” ashtu siç ishte planifikuar.
Dhe në fakt kështu ndodhi!
Gjatë spektaklit shumë të ndjekur, “The Voice”, Nick zbuloi se çfarë i ka ndodhur. Ai tregoi se ishte rrëzuar nga biçikleta dhe ka thyer një brinjë, por fatmirësisht po shkon drejt shërimit. Aktori dhe këngëtari i njohur tha se ka edhe disa ënjtje e shenja e të tjera nëpër trup dhe se tashmë e ka të vështirë të qesh.
Kujtojmë se prej gati 3 vitesh Ncik Jonas është i martuar me aktoren simpatike Priyanka Chorpa. Dasma e tyre e organizuar në fund të vitit 2018-të bëri bujë të madhe dhe u kthye në kryefjalën e të gjitha mediave. Dasma me motive popullore nga të dyja kulturat e çiftit tërhoqi vëmendjen e të gjithëve dhe vazhdon të cilësohet si një nga më të bukurat e më luksozet në botën e showbiz-it.
