Aktori Alfred Trebicka ka pësuar një incident në skenë dje, gjatë para premierës së teatrit “MEDEA”, ku ishin të ftuar gazetarë.
Olti Curri raporton se, teksa dritat u ulën, ai goditi ballin në murin skenik, çka zbehu disi suksesin e kësaj mbrëmjeje emocionuese.
Megjithatë, aktori Trebicka është mirë me shëndet e ndonëse i gjakosur nga ky incident, doli përpara publikut dhe rrëmbeu duartrokitjet e rastit.
Ditën e sotme dhe të nesërme, MEDEA do të ketë premierën në skenën e Teatrit kombëtar Eksperimental “Kujtim Spahivogli”, me aktorët: Luiza Xhuvani, Alfred Trebicka, Viktor Zhusti, Roza Anagnosti, etj.
