Koncerti i Chris Brown, më 12 qershor në Nju Xhersi, vuri në dukje disa probleme teknike, të cilat publiku i regjistroi me celularët dhe i postoi në rrjetet sociale.
Këngëtari u ngjit në ajër me një mekanizëm të posaçëm në skenë, por ai ndaloi së funksionuari, duke e lënë Brown të “ngecur” në ajër. Për pak sekonda 35-vjeçari qëndroi sipër.
Brown po performonte “Under The Influence” teksa ishte varur në një strukturë teli dhe kur e kuptoi se kishte ngecur, kërkoi teknikët, por nuk e fshehu zemërimin. Ata sollën një shkallë dhe e zbritën Brown, i cili vijoi më pas performancën.
Chris Brown gets stuck in the air while singing “Under the Influence” at concert in Newark, New Jersey pic.twitter.com/Adodz04v1j
— The Hollywood Reporter (@THR) June 13, 2024
Në klipet e publikuara në rrjetet sociale, Brown shihet duke folur me ekipin teknik përgjegjës për mbarëvajtjen e strukturës. Sipas Hollywood Reporter, në fund të koncertit, ai u tha të pranishmëve se ishte i zemëruar, por në të njëjtën kohë i argëtuar nga situata.
