Deputetja e PD-së, Ina Zhupa ka denoncuar se Koncesioni i Butrintit, është një ligj “i qepur” me porosi dhe klientelist.
Zhupa ka publikuar disa dokumente ku sipas saj, “Qeveria e pranon me shkrim se ligji është pa rregulla dhe antikushtetues”.
“Qeveria e studion me ‘shumë vëmendje’ këtë Plan Menaxhimi, ku AADF i thotë se ka shumë probleme, e miraton me vendim, dhe bën një ligj specifik, që më pas këtë pasuri botërore ta marrë, po vetë AADF me koncesion, por nëpërmjet krijimit të Fondacionit për Mbrojtjen e Butrintit”, shprehet ajo.
Deputetja Zhupa theksoi se “AADF, një strukturë jo shtetërore, bën planin e menaxhimit të Butrintit, evidenton ‘problemet e rënda’ dhe propozon si zgjidhje që ta marri vet me koncesion dhe në fund kjo ndodh”.
Ajo shtoi se kjo është situata më flagrante ku konflikti i interesit, papajtueshmëria dhe subjektivizmi, në parapërgatitjen e situatës për dhënien me koncesion të Butrinit, është shumë evidente, e dukshme.
