Krahas emisionit “Procesi Sportiv”, Edi Manushi do të jetë pjesë e emisionit të së dielës në televizionin “Top Channel”! Por Manushi nuk mund të rri dot pa vajza simpatike gjatë prezantimit, ndaj në krah do të ketë jo vetëm Fjoralba Ponarin, por edhe një tjetër bukuroshe.
Bëhet fjalë për Xhilda Luzin, vajzën kaçurrelse e cila ka mbajtur kurorën e “Miss Durrësit”. Lajmin e ka bërë të ditur vetë Xhilda, ku përmes një postimi në profilin e saj në “Instagram”, njofton se është bërë pjesë e televizionit “Top Channel”.
“Shihemi së shpejti me Edi Manushin në ‘Top Channel’. Nuk do të flasim për futboll” – shkruan krahas fotos Xhilda Luzi, ku pozon me moderatorin.
Xhilda nuk është një personazh i panjohur për mediat. Ajo ka përfunduar studimet për juridikun dhe është angazhuar në strukturat rinore të Partisë Socialiste në Durrës. Gjithashtu, ajo nuk ka lënë pas edhe angazhimet e saj si modele!
Burimi: Revista Who
