Ai është një hero kombëtar dhe një legjendë futbolli, ndërsa tani David Beckham shfaqet duke aktruar në një fushatë të mrekullueshme për H&M.
Duke bashkëpunuar me komedianin Kevin Hart, dyshja e çuditshme shfaqet duke udhëtuar me një rulo për të promovuar shfaqjen e tyre, “I, Beckham: The Musical”.
Në klip, për të promovuar koleksionin e H&M, “Modern Essentials”, dyshja është veshur në mënyrë të kombinuar me njëri-tjetrin dhe udhëtimi i tyre për në Las Vegas merr një kthesë komike për keq, pasi ndalohen nga një polic dhe humbasin rrugën.
Duke drejtuar makinën, Hart thotë: “Ato paratë e Vegas-it do të përpijnë idenë e muzikalit!”. Por Beckham, i ulur në vendin e pasagjerit, duket më pak i bindur për planin. Është hera e dytë që ylli dhe komediani bashkëpunojnë për H&M. Në reklamën e fundit, Kevin u përgatit për të luajtur rolin e David në një film biografik.
Beckham tha për fushatën e re: “Më pëlqeu aq shumë xhirimi për fushatën e parë me Kevin për H&M, sa duhet që të bënim një vazhdim. Këtë herë e kemi dërguar historinë edhe më tej. Shpresoj që ta pëlqejnë të gjithë, ne u argëtuam duke e realizuar”.
Ndërsa Kevin Hart shtoi me batutë: “Është fantastike të kesh edhe një herë mundësinë për t’i treguar botës atë që dinë të gjithë, që unë jam frymëzimi i vërtetë për stilin e David Beckham. Ai kopjon çdo gjë nga unë”.
Koleksioni i ri pritet të dalë në treg në fund të këtij muaji.
Burimi: Daily Mail
