Prej tetë vitesh, Ilva Tare mori drejtimin e departamentit të informacionit në “Ora News”, duke sjellë një frymë të re në këtë televizion. Krahas lajmeve, ajo ishte autore dhe moderatore e emisionit “Tonight Ilva Tare”.
Por duket se ky është fundi i bashkëpunimit të gazetares me këtë televizion, pasi ajo ka vendosur të sfidojë veten në një tjetër ekran.
Burime për “Konica.al” kanë mësuar se Ilva Tare nuk do të shfaqet në shtator në ekranin e “Ora News”, pasi ka lidhur kontratë me një tjetër televizion. Ajo do të zhvendoset në televizionin “A1”, ku krahas detyrës si Drejtoreshë e Departamentit të lajmeve, do të sjellë edhe një format të ri emisioni.
