Presidenti Ilir Meta është bërë nostalgjik në emisionin “Xing me Ermali”. Në një skenë të improvizuar nga Ermali ai i është kthyer kohëve të shkuara kur kishte fjetur nëpër stane së bashku me çobanët, një eksperiencë që siç tha e kishte marrë malli që ta përjetonte edhe një herë.
Ndërkohë që ishte i shtirë mbi kashtë së bashku me Ermalin, ra një yll nga qiell dhe moderatori e ftoi Metën të shprehte një dëshirë.
“”Më jep fjalën që do të më ndihmosh ta realizojmë së bashku. Po nuk varet vetëm nga ty, varet edhe nga Ami”, iu drejtuar Mamaqit dhe pasi mori konfirmimin e tij, Meta shprehu dëshirën.
“Kam një premtim të pambajtur që nga koha e LSI-së. Bëhet fjalë për të kurorëzuar edhe një herë mikun tënd dhe të Bes Kallakut, Ard Daullxhiun!”, u shpreh Meta duke shkaktuar shumë të qeshura në publik.
Ndërkohë që ra një yll tjetër Meta shprehu edhe dëshirën e dytë.
“Mendova që të mos na shohin të shtrirë këtu pranë e pranë, se kushedi, s’do të pushojnë gojët e liga”, tha Presidenti Meta.
