Një spot publicitar shqiptar i frymëzuar nga filmi “Fifty Shades Darker” zgjodhi si personazh moderatoren Ilda Bejleri. “Guxo çdo ditë”, këto janë fjalët që thuhen fillimisht, ndërsa Bejleri shfaqet provokuese në skena senuale, të cilat kërkojnë të imitojnë filmin e famshëm erotik.
Vetë aktorët që kanë luajtur filmin origjinal, Jamie Dornan dhe Dakoda Johnson, janë shprehur se familja e tyre nuk ka qenë gati për ta parë. Në rastin e Ilda Bejlerit, pavarësisht se skenat nuk ishin aq erotike, pyetja është: “Si e pritën prindërit e saj?”.
Përgjigjen e kësaj pyetjeje, Ilda e ka dhënë në “Insta live”, ku është shprehur se prindërit e saj, kanë qenë kritikë për spotin.
“Pasi i binda e kuptuan. Unë u thashë se jam një personazh i njohur i ekranit dhe publikut duhet t’i japësh atë që do. Një nga kritikët ishte mami që më tha “Si do dalë babi poshtë tek llotot?”, (qesh) sepse babi im i ka qejf skedinat”, tha moderatorja për ndjekësit e saj.
