Moderatorja Ilda Bejleri dhe deputeti i PD-së, Klevis Balliu janë ndarë, ende pa konfirmuar lidhjen e shumë përfolur në media.
Sipas newsbomb.al, burime të afërta pranë çiftit kanë bërë me dije se Ilda dhe Klevisi i kanë dhënë fund lidhjes së tyre, edhe pse po bënin plane për një bashkëjetesë.
Tashmë ata nuk kanë më asnjë kontakt me njëri-tjetrin, madje as atë miqësor për të cilin, Ilda foli pak kohë më parë në emisionin “Rudina”. Moderatorja e njohur sportive pranoi se ajo dhe deputeti i njohur janë shumë miq, por nuk konfirmoi asnjë raport me të.
Ndërkohë, deputeti i PD-së kishte dhënë shpresa për një marrëdhënie më shumë se shoqërore me Ildën, pasi e renditi atë në mesin e vajzave më të bukura të ekranit.
Vetëm pak kohë më parë ata u kapën mat teksa po largoheshin nga një lokal. Madje miq të afërt të tyre konfirmuan se çifti po bënte plane për të nisur një bashkëjetesën. Por gjërat me sa duket nuk kanë shkuar siç duhet.
Menjëherë pas lajmit për ndarjen, Ilda ka reaguar përmes disa postimeve në Instagram, ku shihet nën shoqërinë e një gote verë në njërin prej lokaleve të kryeqytetit. Me sa duket ajo nuk është prekur aspak nga kjo ngjarje dhe po shijon jetën sërish si beqare.
