Aktorja Eliona Pitarka është gjithnjë në qendër të vëmendjes. Më herët, ajo iu përgjigj pyetjeve të ndjekësve të saj në “Instagram”, ku zbuloi disa detaje të reja lidhur me karrierën e saj.
Një ndjekës e pyeti aktoren: “Kur fillon Klanifornia”?
Por si u përgjigj ajo?
Eliona bëri me dije se nuk ka informacion lidhur me datën që starton “Klanifornia” pasi ajo nuk do të jetë më pjesë e spektaklit të humorit.
“Në fakt nuk kam info të saktë për datën, pasi unë nuk do të jem më pjesë e Klanifornias, uroj të shihemi së shpejti në projekte të tjera televizive”, ka shkruar Eliona më herët.
Po ku do ta shohim aktoren tani e tutje?
Vetë Eliona ka publikuar sot një foto në Instagram, ku bën me dije se tashmë ajo do të shfaqet në ekranin e televizionit “MCN”.
“Kush e gjen se çfarë do bëj në @mcntv.al është i/e ftuar”, shkruan ajo.
Shpeshherë Eliona komentohet për fotot e saj që publikon por edhe për format trupore.
Më herët, ajo mori një koment negativ, ku dikush e kritikonte Elionën se nuk duhet të ekspozohej shumë tani që është bërë mama.
Aktorja nuk ja ka përtuar përgjigjen duke u shprehur se është një femër që e do veten dhe mund të bëjë çfarë të dojë. Ajo i ka inkurajuar të gjitha mamatë të duan veten dhe të mos ndrydhen për asgjë.
“Hahahahaha përse jo? Unë jam një super mama, jam një femër në karrierë , jam një femër qe e dua veten, unë mund ti bëj të gjitha! Nëse nuk ndihem unë e plotësuar dhe e lumtur me veten time, si mund të jem një mama e qetë dhe e mirë ? Duajeni veten mama, mos u ndrydhni e të mendoni që gjithçka duhet të bëni është të mbylleni në shtëpi e të rrisni fëmijët”-është shprehur Eliona.
