Ndonjëherë gjërat nuk janë ashtu siç duken, ose thjesht, janë të paparashikueshme. Një vit më parë, përleshja mes anëtarëve të Babastars, Cozman e Albert Krasniqi, me reperin e “OTR”, Noizyn, ishte kryetitulli i mediave shqiptare.
Nga kjo përleshje Noizy mbeti i plagosur në këmbë nga vetë Alberti. Por, kush do ta mendonte që pas një viti Alberti do dilte në darkë përkrah ish-armikut të tij Noizyn?
Në një fotografi të publikuar në rrjetet sociale duket tashmë se ata kanë rregulluar raportet mes vete dhe po bëhen miq të mirë. Kjo ndodhi menjëherë pasi Alberti prishi raportet me kreun e Babastars, Getoarin.
Ai publikoi një bisedë në “Viber” me Getin, ku i thotë se po merret më shumë me Majkun sa u përket datave të koncerteve, ndërsa interesimi për Skivin, Cozman dhe Onatin është shumë i vogël. Dyshja nuk e ndjekin më njëri-tjetrin në Instagram dhe kjo pasi sipas Albertit, Getoari e ka kthyer Babastars në një monopol.
