Në kujtim të ikonës legjendare të bukurisë, Marilyn Monroe. Sot ajo mund të kishte mbushur 98 vjeç, por mbeti përherë një kujtim i freskët, plot buzëqeshje e jetë, e pavdekshme si një njeri që nuk plaket kurrë, ashtu siç kurrë nuk u rrit.
Kjo është historia e Marilyn Monroe, vajzës që çdo mashkull ëndërronte ta kishte në jetë, por që nuk mundën t’ia mbushnin vendin bosh që i kishte lënë braktisja e prindërve.
Ajo u rrit nga fqinjët, pastaj në jetimore, e më pas nga mikesha e nënës së saj Gladys, e cila u dergj në një spital psikiatrik për vite të tëra. E abuzuar në moshën 11-vjeçare nga bashkëshorti i gruas që e mbante, Marilyn ja doli të ishte nënë, motër dhe shoqe e vetes.
Marilyn nuk e gjeti kurrë shkëlqimin e humbur të fëmijërisë. Pas një aborti, dhe 3 martesave të dështuara, pas një dashurie të pakuptueshme për presidentin Jack Kennedy, ajo u gjet e vdekur në apartamentin e saj në 5 gusht të 1962-shit.
Lajmi i vdekjes së ikonës dhe ishullit të miliona njerëzve nëpër botë tronditi njerëzit, sot ajo kujtohet përmes thënieve dhe skenave ikonike të saj që kanë lënë gjurmë të thella në kulturën e vërtetë të kinematografisë klasike.
