Dje ka startuar në ‘Digitalb’ emisioni sportiv “Bar Skedina”, ku është vënë re edhe një tjetër ndryshim në radhët e moderatoreve.
Prezantuesja e mëparshme Bora Zemani, është zëvendësuar nga ish-velina e “Fiks Fare”, Gea Braha, e cila bërë pjesë e televizionit rreth katër vite më parë.
Sipas lajmeve që qarkulluan, largimi i Bora Zemanit erdhi pasi moderatorja kishte pasur disa konflikte me drejtuesit e kësaj platforme televizive.
E pyetur për largimin, Bora nuk konfirmoi zërat për konflikte por tha se do i mungojë shumë ky program:
“Unë kam kaluar tre vite shumë të bukura, tre vite fantastike në Digitalb, por prej sezonit të ri do të jem diku tjetër. Do të më mungojë gjithçka atje, njerëzit dhe miqësitë. Kanë qenë tre vite shumë të bukura për mua”, ka rrëfyer Bora.
Ndërkohë moderatorja e re vjen pas një përvoje të veçantë në një emision investigativ me një detyrë të re që do tí hapë rrugë drejt famës e suksesit.
