Krimi i trefishtë tronditi mëngjesin e së hënës Tiranën, kur dhëndri qëlloi për vdekje vjehrrin, vjehrrën dhe më pas kreu vetëvrasje.
Ishte Majlind Lila, i cili pas një konflikti me bashkëshortët Bujar dhe Xhevahire Mataj, i la të vdekur në shtëpinë e tyre.
Vajza e çiftit të bashkëshortëve, Nevila Mataj, e cila jeton në Suedi, bëri një dedikim të ndjerë për prindërit.
Përmes postimeve në “Facebook” ajo shprehet se nuk mund të vijë në Shqipëri, pasi nuk mund t’i shohë dot prindërit, të cilët nuk arriti t’i mbronte.
“Nuk mundem të vij. Nuk u shoh dot në sy. Çfarë t’u them që shpëtova veten dhe iu vrava ju. Duhet të isha unë në vendin tuaj. Unë e futa atë të sëmurë në jetën tuaj. Çfarë do t’iu them kur t’u shoh? Pse nuk ju mbrojta dot? Pse mendova vetëm për veten, pse…”, shkruan Nevila.
Në një tjetër status, ajo i kërkon ndjesë edhe të vëllait:
“Si iu vrava unë ju, gjëja ime më e shtrenjtë… Më fal vëlla, më falni të gjithë”.
Majlid Lila dhe Nevila Mataj ishin larguar 5 vite më parë në Suedi dhe kishin një vajzë. Sipas burimeve ata u larguan në Suedi pasi Lila kishte frikë për jetën e tij, sepse në vitin 2014 kishin tentuar ta vrisnin. Ndërkohë Lila kishte 2 vite që ishte larguar nga Suedia dhe jetonte në Greqi, pasi ishte ndarë nga bashkëjetuesja e tij dhe për këtë fajësonte prindërit e Nevilës.
