Kanë kaluar 3 javë nga dasma e Sara Hoxhës dhe Ledion Liços, dhe pikërisht sot, motra e saj Lori, ka treguar më në fund fustanin që veshi në ceremoni.
Në një foto të publikuar në Instagram, Lori shihet e ulur duke u bërë gati për dasmën.
Sytë na zunë një fustan gjigant që shndrit, me nuancë në ngjyrë argjendi. Nuk e dallojmë dot nëse është me gurë apo temina, por e sigurt që Lori ka shkëlqyer me look-un e saj.
Me një dekolte elegante dhe flokët e kapur, mund të themi pa frikë se Lori Hoxha mund t’i ketë rrëmbyer vëmendjen motrës në ditën e saj më të madhe.
Fashionista ka marrë stilisten e njohur amerikane Alex Brown, për t’u kujdesur për look-un e saj, e cila njihet për kurimin e imazhit të modeleve më të njohura të pasarelave si Kendall Jenner, Bella Hadid, Hailey Baldwin apo Romee Strijd.
Kjo foto ka ngacmuar fantazinë tonë dhe mezi presim të shohim look-un e plotë të Lorit në dasmën e Sarës.
