Një ditë pas sulmit me armë në shtëpinë e familjarëve të Klodiana Lalës, policia e shtetit kanë marrë në mbrojtje të afërmit e gazetares.
Fill pas ngjarjes ka pasur një reagim të madh nga strukturat e shtetit, nga politika dhe nga shoqëria civile. Ky sulm ngriti dyshimet nëse gazetarja do të largohet jashtë shtetit për një jetë më të sigurt.
Por në një reagim për mediat gjatë ditës së sotme, bashkëshorti i gazetares Lala, i ka mohuar këto fjalë.
“Nuk kemi ndërmend që të largohemi nga Shqipëria” ka thënë Ylber Lleshi, burri i gazetares Klodiana Lala.
Ylber Lleshi jeton prej vitesh në Britaninë e Madhe, ndërsa bashkëshortja, gazetarja Lala së bashku me dy vajzat jetojnë në Tiranë.
