Blogerja dhe sipërmarrësja shqiptare Egreis Gjergjani, e cila ka dy biznese mode në SHBA, një me veshje për fëmijë dhe një me veshje për të rritur, u bëri punonjëseve të saj një surprizë nga ato që të gjitha do ta donim.
E keni parasysh këngën e Ariana Grande-s “7 Rings”, ku këngëtarja thotë se u ka blerë nga një unazë secilës prej 7 shoqeve të veta? Egreisi ia kalon.
Egreis tregoi dje në Instastory se i nxori dy vajzat që punojnë me të për të zgjedhur gjëra në dyqanin e Gucci-t dhe surprizë: ishin për to! Ua bleu!
“Vogëlushet e mia”, shkruan Egreis në foton ku shfaqen dy gocat me dhuratat, shumë të lumtura siç duket nga mimika e fytyrës së tyre.
Blogeria shqiptare Egreis Gjergjani numëron mbi 400 mijë ndjekës në Instagram.
Ajo është pronare e një dyqani me emrin “Itty Bitty Toes” me veshje për fëmijë të markave të luksit.
Së fundi, ajo po hap në New York edhe një dyqan tjetër me veshje për të rritur, filial i dyqaneve me emrin By Egreis.
