Vikena Kamenica është një ndër mezzosopranot më të dashura në vendin tonë. Ajo është bërë e njohur për të gjithë ne me zërin dhe talentin e saj. Prej vitesh Vikena është pjesë e “Teatrit të Operas dhe Baletit” dhe ka interpretuar në një numër të madh veprash të njohura operistike.
Mirëpo me sa duket sukseset për Vikenën nuk kanë fund dhe ajo së fundmi na ka treguar nëpërmjet një postimi në Instagram se luajtur rolin kryesor në një nga operat kryesore në Francë.
Vikena ka treguar se ka qenë pjesë e operës franceze “Samson Et Dalila” të Saint Saens. Ajo është shprehur mjaft e lumtur që ka mundur të bëjë realitet rolin e ëndrrave të çdo mezzosopranoje. Vikena ka pasur rolin e Dalias dhe për shkak të interpretimit të saj të jashtëzakonshëm ajo ka marrë shumë përgëzime edhe nga mediat franceze.
Në postimin e saj në Instagram Vikena ka treguar se premieria e shfaqjes ka qenë pak ditë më parë në Teatrin e Operas në Metz, në qytetin në verilindje të Francës. Ajo ka shprehur një falenderim të veçantë edhe për sopranon Ermonela Jaho, e cila i ka dhënë një mbështetje të madhe jo vetëm artistike, por edhe shpirtërore.
Pas këtij suksesi të madh Vikena është përgëzuar nga miqtë e saj të cilët i kanë uruar që një ditë emri i saj të bëhet i njohur në të gjtihë botën.
