Prej vitesh ka qenë pjesë e emisioneve të humorit si ‘Portokalli’ dhe së fundmi ‘Klanifornia’, por tashmë aktorja Delinda Disha ka nisur një aventurë të re, duke ardhur në ekran si moderatore. Këtë sezon Delindën e kemi parë si moderatoren e një emisioni investigativ, konkretisht në emisionin ‘Xhadat’ krah moderatores Fiori Dardha.
Gjatë një interviste të dhënë në “Natë me Aulonën”, Delinda u shpreh se ka marrë shumë reagime për largimin e saj nga “Klanifornia” drejt një emisioni komplet ndryshe.
Gjithashtu moderatorja shtoi se propozimi fillimisht i ka ardhur nga Fjori Dardha, me të cilën zbuloi se kishte njohje më përpara.
“Ishte e çuditshme dhe e papritur. I njejti fenomen ka ndodhur edhe kur ika na “Portokallia” për të shkuar te “Klanifornia” dhe me sa duket po ndodh përsëri i njëjti reagim. Mbyllëm sezonin, ishte shumë i suksesshëm në “Klanifornia”, mua më erdhi propozimi nga televizioni dhe konkretisht nga Fjori. Me Fjorin njihemi edhe më përpara. Ishte një propozim që më pëlqeu duke analizuar edhe situatën e kabaretit, që të them të drejtën nuk është në kohët e tij më të mira. Bëmë një audicion, me sa duket isha e lindur për këtë gjë. Jam shumë mirë, është diçka që nuk sforcohem. Pas puntatës së parë isha kurioze për reagimin e publikut, dhe komentet kanë qenë shumë pozitive”- tregoi aktorja e humorit.
Më tej duke folur për raportin e saj me bashkë-prezantuesen e “Xhadat”, Delinda tha se kuptohen shumë mirë dhe ndjehet shumë mirë me Fjorin. Por kjo e fundit ka qenë krah Rozana Radit prej vitesh teksa nuk dihet arsyeja se përse Rozana është larguar nga emisioni. E pyetur në lidhje me krahasimet që i bën publiku asaj me Rozana Radin, Delinda tha se “nuk mërzitet” dhe i pranon.
“Unë nuk mërzitem. Që kur kam pranuar të jem person publik, t’i futem botës së artit, më lëndofshin apo jo do t’i pranoj të gjitha komentet pozitive dhe negative. Ama nëse ty të komentojnë pozitivisht do të thotë që diçka nuk shkon tek ty. Kanë qenë dy-tre komente por normalisht edhe Rozi ka publikun e vet, mëbshtetësit e vet, nuk kanë preferencë Delin kanë Rozin, kjo është gjë mëse normale. Mua nuk më vjen keq, përkundrazi, më vjen mirë që Rozi ka lënë imazhin e saj, figurën e saj tek ky emision”- tha Delinda, e cila pyetjes nëse Fiori e ka ngatërruar ndonjëherë me Rozanën iu përgjigj me “Jo”.
Ikja nga “Klanifornia” solli gjithashtu aludime për raportet e saj me aktorët e tjerë të spektaklit të humorit. Duke iu dhënë fund të gjitha dyshimeve, Delinda tha se ruan raporte shumë të mira me ish-kolegët e saj, ndërsa zbuloi edhe mesazhin e fundit me Turjan Hyskën.
“Normalisht që askujt nuk i vjen mirë askujt që dikush të iki nga ekipi. Nëse te Portokallia është stafi me 30-25, në “Klanifornia” ne ishim 10 aktorë dhe ishim goxha të ngushtë. Kishim krijuar atmosferën e një familjeje. Nuk iu erdhi mirë, por besoj se jeta vazhdon, unë kam raporte të mira. Me Turin, në mesazhet e fundit që kemi komunikuar më tha që Deli më vjen shumë keq por është zgjedhja jote dhe të uroj më të mirën”– zbuloi ajo.
Kujtojmë që edhe kur u largua nga “Portokalli”, Delinda mori me vete edhe partnerin e saj, Eldo Dishën. Lajmi u konfirmua në atë kohë nga vetë Delinda në një postim në “Instagram”. Eldo nuk është aktor por kostumograf bashkëpunoi me ‘Klanifornia’ pikërisht në atë pozicion. Dhe aktorja disa kohë më parë shkroi në Instastory se edhe në emisionin “Xhadat” do të jetë së bashku me bashkëshortin.
