Lei Kraja është një ndër vajzat më simpatike të ekranit dhe gjithmonë është nën lupën e fansave të saj. Sa herë që ajo ndan foto në rrjete sociale, ndjekësit e saj shikojnë me kujdes çdo detaj.
Ditën e sotme moderatorja ka postuar në Instagram një foto të saj veshur me një trupore të zezë dhe dikush i ka vënë re disa shenja strijash. Menjëherë ndjekësi në fjalë i ka dërguar Leit një mesazh si i “shokuar” dhe moderatorja nuk e ka pritur aspak mirë këtë koment.
“A janë ato shenja strijash?”, e ka pyetur ndjekësi Lein.
“Pse? Patjetër që janë. Jam njeri”, i është kthyer moderatorja.
Para disa javësh, Lei pati një reagim të ashpër kundër të gjithë personave që bëjnë komente negative në profilet e personazheve të famshëm. Moderatorja postoi një foto si për pasaportë dhe mes fjalëve pozitive nuk munguan as komentet thumbuese, pikërisht kjo gjë nxiti reagimin e moderatores.
“Të gjithë kanë të drejtë të kenë mendimet e tyre. Jo të gjithë do të të pëlqejnë. Kjo është totalisht në rregull. Por e dini çfarë ndodh kur dikush komenton shumë negativisht ose në mënyrë ofenduese?
Unë të bëj bllok. Ti nuk ke privilegjin të marrësh një përgjigje nga unë.
I dua të gjithë ndjekësit e mi pozitivë! Ju falënderoj për energjinë pozitive”, shkroi Lei në një postim.
