Babai i Esmeralda Filopatit, e cila u vra bashkë me vëllain e saj, nga ish-burri, Fatmir Kolecaj ka folur për tragjedinë e rëndë në emisionin “Me zemër të hapur”.
Ai ka treguar për vuajtjet e vazhdueshme të vajzës së tij dhe mes dhimbjes thotë se Esmeralda e ka telefonuar kohë më parë dhe i ka kërkuar që ta marrë shtëpinë e tij.
i moshuari pohoi se vajza e tij dhunohej pa ndalim nga ish-bashkëshorti i saj, Fatmir Kolecaj.
“Ne shkonim një herë në javë me gruan tek shtëpia e saj. Për çdo të shtunë. Vajzat i kanë pasur të vogla. Se di si sillej me të tjerët. Vajzat vetëm e përqafonin të atin. Nuk i pyesja shumë se më dhimbseshin. Më tha në telefon; hajde më merr se po më torturon. Kur më njoftuan mua më thanë se ka shkuar policia dhe i ka marrë”, shprehet i ati.
Ai shtoi: “Vajza ime nuk ka pas hëngër bukë pa u rrahur”.
Esmeralda dhe vëllai i saj u vranë tek oborri i shtëpisë me armë zjarri nga Fatmiri, i cili u vetëvra gjatë kohës që ishte rrethuar nga policia. /BallkanWeb
