Që Dua Lipa është këngëtarja shqiptare më e suksesshme në botë momentalisht- kjo dihet nga i madh e nga i vogël. Vitet e fundit edhe motra e saj Rina po bëhet goxha e njohur ndërkombëtarisht si modele.
Madje, së fundmi ka vulosur edhe një super sukses. Prestigjiozja “Vogue” ka përfshirë në një artikull personazhet e njohur dhe të famshmit e “Instagram”-it që u veshën më mirë javën që lamë pas. Në këtë artikull përmendet edhe Rina, së bashku me Duan dhe Kim Kardashian.
Dhe kjo është goxha arritje.
Megjithatë, Dua ka edhe një vëlla të vogël, Gjinin, i cili është 15 vjeç. Ai ka vëmendjen e gjithë familjes si i vogli i shtëpisë, ndonëse nuk është aq i famshëm sa dy motrat e tij. E kjo nuk e ka penguar 15-vjeçarin të jetë goxha i ndjekur në rrjetet sociale, pasi ia numëron jo pak por 188 mijë followers në Instagram.
Një foto e postuar nga ai ditën e sotme ka marrë vëmendjen e të gjithëve. Gjiki shihet me puron në dorë , veprim ky që ka nxitur komente të pafundme, duike shkruar se nuk është e lejuar për të për shkak të moshës.
Të tjerë i shkruajnë ‘Të lutem mos e bëj’, teksa vëmendje ka tërhequr komenti i babait të tij, që i ka dërguar disa emoji flake, si për ta inkurajuar.
Vlen të përmendet fakti se Gjini nuk shihet duke tymosur, e ndoshta e gjitha ka qenë sa për një foto.
Teksa Dua po shkëlqen në muzikë, Rina merret me modeling, jemi shumë kuriozë se çfarë rruge do zgjedhë 15-vjeçari për të ardhmen dhe a do i përkasë botës së spektaklit dhe televizionit.
