Një histori dashurie do të sjellë reperi i njohur nga Kosova, Gent Fatali në projektin e tij të ri muzikor që ka një fabul vërtet interesante.
Burime për “TEMA Tv” bëjnë me dije se Genti është gati për të publikuar këngën e tij më të re me titull “My Jolie”.
Fabula e këngës lidhet me një histori dashurie që nuk përfundon mirë dhe Genti, i veshur si dhëndër që shkon për t’u martuar, braktiset nga vajza që ai dashuron.
Fatmirësisht bëhet fjalë për historinë e klipit dhe jo atë private të reperit shqiptar, i cili po përjeton një histori dashurie me një vajzë bukuroshe brune.
Ajo quhet Rozafa, është një vajzë mjaft simpatike që ka ngjashmëri të paparë me partneren e Mozzik, Loredanën.
Reperi ka publikuar foto me të në Instagram, ku na i ka prezantuar vajzën që i ka vjedhur zemrën.
