Një mjek italian 57-vjeçar ka arritur të mposhtë virusin vdekjeprurës i cili ka gjunjëzuar Italinë.
Mirëpo, për shkak të situatës tepër të vështirë në vend, ai e ka marrë sërish parasysh rrezikun e madh dhe ka kërkuar të rikthehet në punë.
Mjeku me inicialet R.I ka kërkuar të rikthehet në punë, duke u shprehur se kanë shumë nevojë për të.
“Mua më shkoi mirë, temperaturën nuk e pata më të lartë se 37 gradë. Por dua të shkoj menjëherë në spital, sepse janë disa mjekë të tjerë në karantinë dhe aty ka shumë nevojë për mua.”- thotë ai.
I pyetur nëse izolimi është mënyra e duhur për të mposhtur Koronavirusin, mjeku tregon:
“Po, sepse ky virus ka një aftësi përhapjeje, e cila nuk është parë kurrë më parë”.
57-vjeçari rrëfen se karantinën e kaloi në shtëpi mes kuzhinës, librave dhe kurseve online.
Burimi: Balkanweb.com
