Reperja Lizzo zbuloi gjatë fundjavës se i kishte shkruar një mesazh flirtues, aktorit Chris Evans, në gjendje të dehur. Ajo publikoi në TikTok një video, në të cilën tregonte mesazhin që i kishte dërguar gjatë pasdites në orën 5:22. Reperja i kishte dërguar vetëm 3 emoji atë të erës, një lojtari dhe një topi basketbolli, për të përcjellë idenë e pëlqimit dhe interesimit.
“Mos pini dhe mos shkruani në DM”, shkroi reperja e turpëruar përkrah videos.
@lizzoDon’t drink and DM, kids…. for legal porpoises this is a joke
Më pas një ditë më vonë, 32-vjeçarja zbuloi se kishte marrë një përgjigje në mesazh nga Chris Evans. Në një video të re të publikuar në rrjete sociale, ajo nuk mundi ta fshihte kënaqësinë për përgjigjen e tij.
“Nuk ka pse të ndihesh e turpëruar për një mesazh që dërgon kur je e dehur. Vetëm Zoti e di që unë kam qenë më keq se ty me këtë aplikacion ”, i është përgjigjur aktori këngëtares. Evans i referohet një fotografie të organit të tij gjenital, që e publikoi padashje në Instagram muajin shtator.
Më herët, Lizzo ka shprehur publikisht ndjenjat e saj për Evans. Në vitin 2019-të, ky i fundit ripublikoi një video të një vajze të re që kërcente nën ritmet e këngës së reperes “Juice”. Kësaj videoje që ai ndau me ndjekësit e tij, Lizzo ju përgjigj me një mesazh që tërhoqi vëmendjen e të gjithëve.
“Wow martohu me mua”, i shkroi ajo aktorit.
Kujtojmë se muajin e shkuar Lizzo u përfol për një histori dashurie, pasi u fotografua duke puthur një burrë misterioz në Malibu. Por ajo i hodhi poshtë dyshimet duke treguar se është beqare. Ndërsa Evans ka qenë më herët i lidhur me Lily Collins, Minka Kelly dhe Jenny Slate.
